From Hell to High Malayeka Rafi NovelM80037 Episode 28

وہ شمائم کے پاس بیٹھا ہوا تھا ۔۔۔ اس کی آنکھیں نم تھی ۔۔ لہجہ بھیگا ہوا تھا۔ ۔۔ ” ش۔۔۔ شمائم میں میں قاتل ہوں اس کا ” ” کس کا حدید ؟؟؟ ” شمائم کی سوالیہ نظریں اس پہ تھی ۔۔ ” وہ ۔۔۔ وہ تاشفین ارحم ۔۔۔ ہ۔۔۔ ہاسپٹل میں ہے ” وہ اٹک اٹک کے بتانے لگا ۔۔۔ شمائم کی آنکھوں میں حیرت در آئی تھی ۔۔۔ ” بابا ہاسپٹل میں ہے ؟؟ کیا ہوا ہے انھیں ؟” حدید اسے خوفزدہ نظروں سے دیکھ رہا تھا ۔۔ ” میری وجہ سے ہوا سب ۔۔۔ میں نے انھیں بہت کچھ کہا ۔۔۔۔ ” ” ہاسپٹل چلتے ہیں ۔۔۔ بابا ٹھیک ہونگے یو ڈونٹ ووری ” شمائم اسے اٹھانے لگی ۔۔ ” تم اس شخص کو بابا کیوں کہتی ہو شمائم ؟؟” اس کے سوال پہ شمائم رک کے اسے دیکھنے لگی ۔۔۔ ” وہ تمہارے بابا ہے حدید ۔۔ تو میرے بھی بابا ہوئے ۔۔ اور ویسے بھی میں نے تو کھبی مما بابا کو دیکھا ہی نہیں ۔۔۔۔ تم لکی ہو جو تمہارے بابا زندگی ہے حدید ” وہ ایکدم سے رونے لگ گیا ۔۔۔ ” میں نے مار دیا انھیں۔ ۔۔ مار دیا اس شخص کو ۔۔۔۔۔۔ میں قاتل ہوں ” وہ پھوٹ پھوٹ کے رو رہا تھا ۔۔۔۔ ” م۔۔۔۔ میری وجہ سے ہاسپٹل ہے وہ شخص ۔۔۔ مر گیا ۔۔۔۔۔۔۔ ” موبائل کی بپ بجی تھی ۔۔۔ شمائم دیکھنے لگی امتسال تھی ۔۔ ” نہیں ۔۔۔ ” حدید نے موبائل اسکے ہاتھ سے پرے کیا تھا ۔۔۔ ” وہ ۔۔۔۔ وہ مت سنو کال ۔۔۔۔ ابھی کہے گی کہ وہ ۔۔۔ وہ شخص مر چکا ہے ۔۔۔ مت سنو کال ۔۔۔ دور رہو اس سے ” وہ ہذیانی سا ہو رہا تھا ۔۔۔ شمائم اسے پریشانی سے دیکھ رہی تھی ۔۔۔ ” حدید ریلیکس ۔۔۔ کچھ نہیں ہوا ۔۔۔ کال سن لینے دو مجھے ۔۔۔۔ ” ” نہیں ۔۔۔ نہیں پلیز شمائم ” وہ روتے ہوئے اسکی منت کرنے لگا ۔۔ ” میں۔ ۔۔ میں ایمی کا کیسے سامنا کروں گا ۔۔۔ وہ پوچھے گی مجھ سے ۔۔ میں کیا کہوں گا ۔۔۔۔ کیا کہوں گا میں ۔۔۔ ” کال اب نہیں آ رہی تھی ۔۔۔ شمائم اسے تسلی دینے لگی ۔۔۔ لیکن حدید اچانک سے اس کے گلے لگا تھا ۔۔۔ وہ کانپ رہا تھا ۔۔۔ شمائم پہلے حیران ہوئی تھی ۔۔۔ دھیرے سے اس کے گرد اپنے بازو پھیلائے ۔۔۔ ایک ڈھال کی طرح اسے اپنی پناہوں میں لے لیا تھا اس نے ۔۔۔۔ ” حدید ۔۔۔ وہ تمہارے بابا ہے ۔۔۔ تم جتنا بھی انکار کرو لیکن اس حقیقت کو نہیں جھٹلا سکتے تم حدید ۔۔۔ کہ وہ تمہارے بابا ہے ۔۔۔ تم ان سے ناراض ہو ۔۔۔ غصہ ہو ۔۔۔ خفا ہو ۔۔۔ کیونکہ تم انھیں اپنے بابا تسلیم کرتے ہو آج بھی ۔۔۔ تبھی ہرٹ ہوئے ہو ۔۔۔ وہ غلطی کر چکے ہیں ۔۔۔ تم دونوں کو اکیلا چھوڑ کے وہ غلطی کر چکے ہیں ۔۔ تسلیم بھی کرتے ہیں ۔۔۔ لیکن حدید تم ان کو بار بار ہرٹ کر رہے ہو ۔۔ ۔تو کیا فرق رہ گیا تم میں اور ان میں ؟؟؟ حدید رشتوں سے ہم منہ نہیں موڑ سکتے کھبی ۔۔۔ کھبی بھی نہیں ۔۔ رشتوں کو پھر سے اپنا لینے میں دیر بھی نہیں۔ کرنی چاہیے ۔۔۔ ان کو بڑھا ہاتھ تھام لو حدید ۔۔۔ ان کا سہارا بنو حدید ۔۔۔ ماں باپ کا دکھ ان سے پوچھو جن کے ماں باپ نہیں ہے ۔۔۔۔ ” آنسو اس کی گال پہ پھسلا تھا ۔۔ حدید کی کپکپاہٹ اب کم ہوئی تھی ۔۔۔ ” تو ۔۔۔ تو کیا وہ زندہ ہے شمائم ؟” شمائم اثبات میں سر ہلانے لگی ۔۔۔ ” ہممممم ۔۔۔۔ ” امتسال کی کال آ رہی تھی ۔۔۔ جسے شمائم نے ریسیو کر لیا تھا

آحان کے کمرے کے دروازے کے سامنے کھڑی وہ تذبذب کا شکار تھی ۔۔۔ اندر جائے یا نہیں۔ ۔۔۔۔ کچھ سوچ کے اس نے دروازہ کھولا تھا ۔۔۔ اور اندر آ گئی تھی ۔۔۔ جہاں آحان گھٹنوں میں سر دیے بیٹھا ہوا تھا ۔۔۔۔ اس کا زخمی ہاتھ دیکھتی وہ لب کاٹنے لگی تھی ۔۔۔۔ کچھ سوچ کے وہ آگے بڑھی تھی ۔۔۔ اس کے سامنے دو زانو ہو کے بیٹھی تھی وہ اب ۔۔۔ ” آحان ۔۔۔۔۔ ” ” جاؤ یہاں سے ” اس نے یونہی سر جھکائے کہا تھا ۔۔۔ ” کیسے ہو گئی تمہیں دوسری محبت ؟؟؟ ” وہ سب سر اٹھا کے اسے دیکھ رہا تھا ۔۔ عنازیہ کا دل جیسے کسی نے مٹھی میں دبوچ لیا تھا ۔۔۔ کتنا درد پھیلا تھا اس کے چہرے پہ ۔۔۔ ” مرد بےوفا ہوتے ہیں ۔۔۔ پوری دنیا میں ایک جملہ رٹا رٹایا ہوا ملا ہے سب کو ۔۔ کہ مرد بےوفا ہوتے ہیں ۔۔ اور عورت وفا کی مورتی ۔۔۔ تم نے ۔۔۔ تم نے کیسے کر لی دوسری محبت ؟؟؟ کیسے ہوگئی دوسرے مرد سے محبت ؟؟؟” عنازیہ لب سیے اسے دیکھ رہی تھی ۔۔۔۔ ” عین ۔۔۔۔ عین نہیں کرتی تم مجھ سے محبت ؟؟؟ تم بھول گئی مجھے ؟؟ وہ ۔۔۔ وہ احساس ۔۔۔ جسے محبت کہتے ہیں ۔۔۔ بھول گئی اس احساس کو ۔۔۔ کیسے بھول گئی ۔۔۔ ” وہ خود ہی بولے جا رہا تھا ۔۔۔ عنازیہ خاموش تھی ۔۔۔ ” جواب دو ” وہ چلایا تھا ۔۔۔ عنازیہ کچھ دیر اسے دیکھتی رہی ۔۔ ” کیونکہ عالیار تمہارے دیے زخم پہ مرہم بن کے آیا تھا میری زندگی میں ” آحان ایکدم ہنسنے لگا ۔۔۔ پاگلوں کی طرح ہنسے جا رہا تھا ۔۔۔ عنازیہ کو اس کی دماغی حالت پہ شبہ ہی ہوا تھا ۔۔۔۔ ” بہانہ اچھا ہے ۔۔۔۔ بہانہ بہت اچھا ہے ۔۔۔ یوں کہو عین ۔۔۔ یوں کہو کہ ۔۔۔۔ نہیں عین نہیں۔ ۔۔۔ عین بلکل بھی نہیں ۔۔۔ عین تو ۔۔۔ عین تو محبت کرتی تھی مجھ سے ۔۔۔ میرے سامنے تو ۔۔ مسز عنازیہ خان ہیں ۔۔ عالیارخان کی عنازیہ ” عنازیہ دھندلائی آنکھوں سے اسے دیکھ رہی تھی ۔۔۔ باہر سے سائرن کی آواز آئی تھی ۔۔۔ دونوں نے چونک کے کھڑکی کی طرف دیکھا تھا ۔۔۔ اور اچانک سے آواز آئی تھی ۔۔ ” آبان سکندر ۔۔۔۔ “

ارحان علی خان اور عالیار خان نے اپنے اثر ورسوخ سے آخر کار آبان سکندر کے ٹھکانے کا پتہ لگا لیا تھا ۔۔۔ وہ فارم ہاؤس میں تھا ۔۔۔ اپنے بنگلے سے وہ وہاں جا چکا تھا ۔۔۔ اور ابھی پورے فارم ہاؤس کو چاروں طرف سے پولیس نے گھیر لیا تھا ۔۔۔ عالیار خان بھی وہیں موجود تھا ۔۔۔ ” آبان سکندر پولیس نے چاروں طرف سے تمہیں گھیر لیا ہے ۔۔۔ بہتری اسی میں ہے کہ باہر آ جاؤ ” اور اندر عنازیہ ۔۔۔ اپنے سامنے بیٹھے آبان سکندر کو دیکھ رہی تھی ۔۔ اس کے ہاتھوں کی لرزش واضح تھی ۔۔۔ اچانک اٹھ کے وہ کمرے کا چکر لگانے لگا ۔۔۔۔ کھڑکی کے پاس جا کے تھوڑا سا پردہ ہٹا کے اس نے دیکھا تھا ۔۔ پولیس اس کے فارم ہاؤس کے چاروں طرف تھیں ۔۔ وہ پھر اس طرف آیا تھا ۔۔۔ ” سرنڈر کردو خود کو آحان ۔۔۔ تمہاری سزا کم ہو جائے گی ” عنازیہ نے سنجیدگی سے کہا تھا ۔۔ وہ رک کے اسے دیکھنے لگا ۔۔ ” نہیں ۔۔ وہ لوگ مجھے مار ڈالیں گے ۔۔ میرے گناہ ہی اتنے ہیں کہ وہ لوگ مجھے معاف نہیں کرے گیں ۔۔ مار ڈالیں گے ۔۔۔ آبان سکندر ان کے ہاتھوں نہیں مرنا چاہتا ” وہ نفی میں سر ہلاتے بولا تھا ۔۔ ” تم آبان سکندر نہیں آحان خان ہو ۔۔۔ ” ” ایک کام کرو ۔۔ تم اٹھو ” وہ اسے کھڑا کرتے بولا تھا ۔۔۔ عنازیہ سوالیہ نظروں سے اسے دیکھ رہی تھی ۔۔۔ آحان نے ریوالور لا کے اس کے ہاتھ میں دیا تھا ۔۔۔ اور پھر اپنا ہاتھ بھی رکھ کے ۔۔۔ ریوالور اپنے دل کے مقام پہ رکھا تھا ۔۔۔ عنازیہ حیرت سے اس کی کاروائی دیکھ رہی تھی ۔۔۔ ” چلاؤ گولی عین۔ ۔۔ ” عنازیہ بدک کے پیچھے ہونا چاہتی تھی ۔۔ لیکن آحان کی گرفت مضبوط تھی ۔۔ ” یہ ۔۔ یہ کیا ” ” چلاؤ گولی ۔۔ ڈیم اٹ ” وہ چلایا تھا ۔۔ ” میں نہیں کر سکتی ایسا آحان ” وہ خوفزدہ تھی ۔۔ آحان اچانک سے رونے لگ گیا ۔۔ ” تو میں کیا کروں عین ۔۔۔ کیا کروں ؟؟؟ تم بتاؤ ۔۔ مجھے نہیں مرنا ان کے ہاتھوں ۔۔۔ مجھے تمہارے ہاتھوں مرنا ہے ۔۔ پلیز عین ۔۔۔ پلیز ہاتھ جوڑتا ہوں میری سانسیں ختم کردو پلیز ۔۔۔ مجھے ان کے ہاتھ مت پہنچنے دو پلیز ۔۔ میں شکست کھا کے نہیں مرنا چاہتا پلیز عین ” وہ رو رہا تھا ۔۔ عنازیہ بھی رونے لگی تھی ۔۔۔ ریوالور نیچے گرا تھا ۔۔۔ آحان نے اس کا چہرہ ہاتھوں کے پیالے میں بھر لیا ۔۔۔ ” مجھے معاف کردو عین۔۔۔ میں نے تمہیں ہرٹ کیا ۔۔ تکلیف پہنچائی ۔۔ تمہیں قید کر کے رکھا ۔۔۔ مجھے معاف کردو ۔۔۔ میں بگڑ گیا تھا ۔۔۔ بہت بگڑ گیا ۔۔۔ م۔۔ مجھے لگا ۔۔۔ مجھے لگا ” وہ ہچکیاں لے رہا تھا ۔۔۔ ” یار ۔۔۔ بہت محبت کی تھی تم سے ۔۔۔ تمہیں اپنانا چاہتا تھا لیکن ۔۔۔ تمہیں تکلیف دے بیٹھا ۔۔۔ مجھے معاف کردو ” عنازیہ بھیگی آنکھوں سے اسے دیکھ رہی تھی ۔۔ وہ آحان خان سے آبان سکندر اس کی وجہ سے بنا تھا ۔۔۔ وہ ایسا نہیں چاہتی تھی ۔۔ وہ تو اسے تنگ کر رہی تھی ۔۔ اور آحان خان ۔۔۔۔ ” آحان پلیز ۔۔ پلیز خود کو سرنڈر کردو پلیز ۔۔۔ تمہیں کچھ نہیں۔ ہوگا ۔۔۔ میں ۔۔ میں بچا لوں گی تمہیں ۔۔۔ میں ۔۔۔ میں خود تمہیں نکال لاؤں گی پلیز ۔۔۔ پلیز آحان ۔۔۔۔ ” وہ ہچکیاں لیتی بول رہی تھی ۔۔۔ جبکہ آحان نے روتے ہوئے سر نفی میں ہلایا تھا ۔۔ ” نہیں رہنا چاہتا میں زندہ ۔۔۔ موت بھی تمہارے ہاتھوں سے چاہتا ہوں میں ۔۔۔۔ ” وہ نیچے جھکا تھا ۔۔ ریوالور اٹھانے ۔۔۔ جب آواز پھر سے گونجی تھی ۔۔۔ مطلب وہ لوگ اندر آ چکے تھے ۔۔۔ عنازیہ نے خوفزدہ نظروں سے دروازے کی طرف دیکھا تھا ۔۔ آحان پھر سے ریوالور اس کے کانپتے ہاتھوں میں دے چکا تھا ۔۔۔ اور اپنا ہاتھ اس کے ہاتھ پہ مضبوطی سے رکھتا ۔۔۔ اب کی بار ریوالور اپنی کنپٹی پہ رکھی تھی ۔۔۔ ” چلاؤ گولی عین ” اس کی بوجھل بھرائی آواز ابھری تھی ۔۔۔ عنازیہ بھیگی آنکھوں سے اسے دیکھ رہی تھی ۔۔ اس کا دل جیسے کسی گہری کھائی میں گرتا محسوس ہو رہا تھا اسے ۔۔۔ ” آحان ۔۔۔۔۔ ” وہ آنکھیں بند کیے ہوئے تھا ۔۔۔ ” ایک بار آنکھیں کھول دو پلیز آحان ” وہ بھرائی آواز میں بول رہی تھی ۔۔ ” نہیں عین پھر موت مشکل ہو جائے گی میرے لئے ” وہ خود پہ ضبط کرتا بولا تھا ۔۔ ” پلیز آحان ” آحان نے ایک ہاتھ ۔۔۔ ریوالور پہ دھرے اس کے ہاتھوں پہ رکھا تھا ۔۔ دوسرا ہاتھ اس کی کمر پہ رکھ کے ۔۔۔ اپنی آنکھیں کھول دی تھی ۔۔۔۔ ان آنکھوں میں کیا کچھ تھا ۔۔۔ عنازیہ کا دل کٹ گیا تھا ۔۔ وہ مرنے جا رہا تھا ۔۔۔ وہ انسان جو جرنلسٹ بن کے ۔۔۔ ملک میں تہلکہ مچانا چاہتا تھا۔۔۔ آج وہ انسان مر رہا تھا ۔۔ عنازیہ کے ہاتھوں مرنا تھا اس نے ۔۔۔ وہ خاموشی سے اسے دیکھ رہا تھا ۔۔۔۔ دروازہ کھلا تھا ۔۔۔ اور عنازیہ نے گولی چلائی تھی ۔۔ ۔ آحان کا بےجان وجود اس کے قدموں میں گرا تھا ۔۔ ریوالور بھی نیچے گری تھی ۔۔۔ وہاں پولیس افراد نے اس پہ اپنی بندوقیں ٹھانی تھی ۔۔۔۔ ” نہیں ۔۔۔۔ ” عنازیہ چلائی تھی ۔۔۔۔ ” نیچے کرو سب ۔۔۔ کوئی بھی گولی نہیں چلائے گا ” عالیار بھی وہیں تھا ۔۔۔۔ وہ عنازیہ کو دیکھ رہا تھا ۔۔ جس کے چہرے اور کپڑوں پہ آحان کے خون کے چھینٹے تھے ۔۔۔ اور آحان نیچے پڑا تھا ۔۔ سانسوں کی ڈور ٹوٹ چکی تھی ۔۔۔ وہ جیت گیا تھا ۔۔ عنازیہ کے ہاتھوں سے اس کی موت ہوئی تھی ۔۔۔۔ برائی اپنے انجام کو پہنچ چکی تھی ۔۔۔ لیکن اس برائی کی شروعات کوئی نہیں جانتا تھا ۔۔۔ بس عنازیہ خان جانتی تھی ۔۔ وہ کیوں برا بنا تھا ۔۔۔ وہ کیوں برائی میں پڑ گیا تھا ۔۔۔۔ شاید کوئی جاننا بھی نہیں چاہتا تھا ۔۔۔ اپنے گرد برائی کو دیکھتے ہیں ۔۔۔ اسے ختم کرنے کی کوشش نہیں۔ کرتے ۔۔۔ بس یہی چاہتے ہیں وہ برا ہے ۔۔ اس برے کو سزا ملنی چاہئیے اس کے برائی کی ۔۔۔۔ اصلاح نہیں کرتے اس کی ۔۔۔ آحان خان ۔۔۔۔ جو جرنیلسٹ بننا چاہتا تھا ۔۔۔۔ لیکن وہ آبان سکندر بن گیا تھا ۔۔۔ اس نے نظر دوڑائی ۔۔۔ بیڈ شیٹ اٹھا کے اس کے بےجان وجود پہ ڈالی تھی ۔۔۔ دل میں ہوک سی اٹھی تھی ۔۔۔ عالیار اس کے پاس آیا تھا ۔۔۔ ” عنزہ ” عنازیہ اس کے سینے سے لگی تھی ۔۔۔ ” تم ٹھیک ہو ناں ” اس نے اثبات میں سر ہلایا تھا ۔۔۔

دو پولیس اہلکار آگے بڑھے تھے ۔۔۔ ” نہیں ۔۔ ” عنازیہ چلائی تھی ۔۔ ” دور رہو اس سے ۔۔۔ کوئی بھی ہاتھ نہیں لگائے گا اسے ۔۔ کوئی بھی نہیں تم میں سے ۔۔۔ ” سب وہیں رک گئے ۔۔۔ ” عنزا ؟؟” عالیار اسے دیکھ رہا تھا ۔۔ عنازیہ نے بھیگی آنکھوں سے اسے دیکھا تھا ۔۔۔ اور سر نفی میں ہلایا تھا ۔۔ عالیار نے بھی کچھ نہیں کہا ۔۔ اور اس کی خواہش کا احترام

” بارش میں کیوں بھیگ رہی ہو امتسال ؟” نرمین کی آواز پہ وہ ہوش کی دنیا میں آئی تھی ۔۔۔ کافی دیر ہو گئی تھی اسے یوں بارش میں بیٹھے ہوئے ۔۔ ایک نظر اس پہ ڈال کے ۔۔۔ وہ پھر سے سامنے دیکھنے لگی ۔۔۔ نرمین نے ٹھنڈی سانس بھری تھی ۔۔۔۔ وہ بھی وہیں آ کے بیٹھ گئی تھی اس کے قریب ۔۔ ہلکی ہلکی بارش ہو رہی تھی ۔۔۔ امتسال کا اجلا اجلا سا چہرہ دیکھنے لگی ۔۔۔۔ کیا ہو جاتا اگر وہ اسے بھی بیٹی کا درجہ دے دیتی ۔۔۔ ایک ماں کی طرح اسے گلے سے لگا لیتی ۔۔۔ کتنے دکھ رقم تھے اسکے معصوم سے چہرے پہ ۔۔۔۔ باپ تک چھین لیا تھا ان سے ۔۔۔ ” معافی ۔۔۔ لفظ بہت چھوٹا ہے امتسال میرے کیے ہوئے ہر ظلم کے لئے ۔۔۔ ان کا کوئی مداوا ممکن ہی نہیں ۔۔۔۔ ” وہ کہنا شروع ہوئی تھی ۔۔۔ ” ایک ماں کی طرح تم دونوں کو گلے سے لگا لیتی ۔۔۔ تو شاید آج ہم سب ساتھ خوش ہی ہوتے ۔۔۔ لیکن ۔۔۔۔ لیکن میں بہک گئی تھی امتسال ۔۔۔ تاشفین تم لوگوں کا ہو جائے گا ہمیشہ کے لئے ۔۔۔ میں کہاں ہونگی ۔۔ میرا مقام کہاں ہوگا ۔۔۔ ڈر گئی تھی ۔۔۔۔ ۔” وہ کچھ دیر رکی تھی ۔۔ امتسال کا چہرہ بےتاثر تھا ۔۔۔۔ ” امتسال ۔۔۔ تم سے تمہارا بچپن چھین لیا ۔۔۔ تمہاری خوشی چھین لی ۔۔۔ تمہارے بابا چھین لیا میں نے ۔۔۔ ایک بیٹی سے اس کا مان چھین لیا میں نے ۔۔۔ ” امتسال صبر کے گھونٹ پیتی اسے سن رہی تھی ۔۔۔۔ ” میں ۔۔۔ میں ” ” بس کیجئیے ” امتسال نے سپاٹ لہجے میں کہا تھا ۔۔ ” چھوڑ دیجئیے میرا پیچھا ۔۔۔ میں خاموش ہوں تو کیا ؟؟؟ میری روح زخمی کر رہی ہے آپ ۔۔ اذیت دے رہے ہیں آپ کے الفاظ مجھے ۔۔۔۔ آپ نے ٹھیک کیا جو بھی کیا ۔۔۔ مجھے آپ سے کوئی شکایت نہیں۔ ۔۔۔ ” وہ اپنی بات کہہ کے کھڑی ہو گئی تھی ۔۔ ” لیکن میں اپنے ضمیر کے سامنے شرمندہ ہوں” نرمین نے پست آواز میں کہا تھا ۔۔۔ امتسال کچھ دیر وہاں کھڑی اپنے لب کاٹتی رہی ۔۔۔ پھر سر جھٹک کے ہاسپٹل کے احاطے کی طرف بڑھ گئی ۔۔۔۔ الفاظ ۔۔۔ الفاظ شرمندگی ۔۔۔ الفاظ معافی ۔۔۔ الفاظ ندامت ۔۔۔ الفاظ محبت ۔۔۔ یہ سب وقت پہ ہو تو ہی اچھے لگتے ہیں ۔۔ اور جب صدیاں بیت جائے ۔۔۔ اور ازالے کا وقت نکل جائے۔ ۔ تب ۔۔ ہاں تب ۔۔۔ الفاظ بےمعنی ہو جاتے ۔۔۔ اپنی اہمیت کھو دیتے ہیں ۔۔ امتسال کے لئے بھی نرمین کے الفاظ ۔۔۔ بس الفاظ ہی تھے ۔۔ بےمعنی ۔۔۔ بےتاثر ۔۔۔ وہ شیشے کے پار تاشفین ارحم کو دیکھ رہی تھی ۔۔۔۔ اسے لگا وہ دیکھ رہے ہیں ۔۔۔ انھیں ہوش آ چکا ہے ۔۔۔ اور جب وہ امتسال کو دیکھ کے مسکرائے تھے ۔۔۔ تب اس کا دل جیسے ڈوب کے ابھرا تھا ۔۔۔ انھیں ہوش آ گیا تھا ۔۔ لیکن اسے سمجھ نہیں آ رہی تھی ۔۔ نئے نام ۔۔ نئے رشتے سے کیسے بلائے گی انھیں۔۔۔۔۔

جاسم ۔۔۔ حدید اور شمائم ایک ساتھ ہاسپٹل آئے تھے ۔۔۔۔ امتسال ابھی تک باہر ہی تھی ۔۔۔ وہ اندر نہیں جا پا رہی تھی ۔۔۔ ۔ ” امتسال ۔۔۔ ” جاسم نے آگے بڑھ کے اس کے گرد بازوؤں کا گھیرا بنا لیا ۔۔۔ وہ بھیگی آنکھوں سے جاسم کو دیکھنے لگی ۔۔۔ اس کی نظر سامنے حدید اور شمائم پہ پڑی ۔۔۔ حدید شرمندہ سا تھا ۔۔۔ امتسال نے اپنا ہاتھ آگے بڑھایا ۔۔۔ حدید نے آگے بڑھ کے اس کا ہاتھ تھام لیا ۔۔۔ ” ایمی ۔۔۔” وہ رو رہا تھا چھوٹے بچے کی طرح ۔۔ وہ چھوٹا سا بچہ ہی تو تھا امتسال کے لئے ۔۔۔ امتسال نے اسے گلے لگا لیا ۔۔۔ ” ایم سوری ایمی ۔۔۔ ” ” ہشششش ۔۔۔ ” امتسال بھیگی آنکھوں سے اسے چپ کروا رہی تھی ۔۔ ” مجھے سمجھ نہیں آئی ایمی ۔۔۔ وہ سب بول دیا ۔۔۔ ایم سوری ۔۔۔ ” وہ روتے ہوئے کہہ رہا تھا ۔۔ ” جانتی ہوں میری جان ” امتسال کہہ رہی تھی ۔۔۔ شمائم کی آنکھیں بھی نم ہوئی تھی ۔۔۔ جاسم بھی مسکرا رہا تھا انھیں دیکھ کے ۔۔۔ کمرے سے نکلتی نرمین کی نظر ان پہ پڑی ۔۔ تو وہیں رک گئی ۔۔۔ انھیں آج دکھ ہو رہا تھا ۔۔۔ ان دو بہن بھائی کو یوں سسکتا دیکھ کے ۔۔۔۔ شمائم کی نظر اس پہ پڑی ۔۔۔ تو نرمین مسکرانے کی کوشش کرنے لگی ۔۔۔۔ پھر قدم آگے بڑھا کے ان کے پاس آئی تھی ۔۔۔ ” تاشفین تمہیں بلا رہے ہیں ۔۔۔ ” دونوں بہن بھائی نے اسے دیکھا ۔۔ تو وہ نظریں چرا گئی ۔۔ ” تم دونوں کے بابا تمہیں بلا رہے ہیں ” اس نے دھیمے لہجے میں کہا تھا ۔۔ حدید امتسال کو دیکھنے لگا ۔۔ تو امتسال نے اثبات میں سر ہلایا تھا ۔۔۔۔ اس نے شمائم کی طرف دیکھا ۔۔۔ اس نے بھی مسکرا کے اثبات میں سر ہلایا تھا ۔۔۔۔ ” م۔۔۔ میں برا ہوں ایمی ” وہ ٹوٹے لہجے میں کہہ رہا تھا ۔۔۔ امتسال نے اس کے ماتھے پہ پیار کیا تھا ۔۔ ” میرا بھائی بہت اچھا ہے ۔۔۔ ” وہ دونوں چھوٹے چھوٹے قدم اٹھاتے کمرے کی طرف بڑھ رہے تھے ۔۔۔ نرمین کو آج صحیح معنوں میں ان کے لئے دکھ ہو رہا تھا ۔۔ ۔ اگر یہی دکھ چند سال پہلے ہوا ہوتا ۔۔۔ تو شاید بن ماں باپ کے نہ پلے ہوتے یہ دونوں ۔۔۔ وہ دونوں کمرے میں آئے تھے ۔۔۔ وہیں کھڑے تھے ۔۔۔ قدم آگے نہیں بڑھا پا رہے تھے ۔۔۔۔ تاشفین کی نظر ان پہ پڑی ۔۔۔ تو آنکھیں بھیگی تھی ۔۔۔ ” اپنے بابا کے سینے سے نہیں لگو گے میرے بچے ” کہنے کی دیر تھی ۔۔۔ دونوں باپ کی شفقت کو ترسے ہوئے ۔۔۔ ان کے قریب گئے تھے ۔۔۔۔ اور آہستگی سے ان کے سینے سے جا لگے تھے ۔۔۔ وہ دونوں رو رہے تھے ۔۔۔ تاشفین نے ان دونوں کو بازوؤں کے گھیرے میں لے لیا تھا ۔۔۔۔ وہ بھی رو رہے تھے ۔۔۔ ” میرے بچے ۔۔۔ میری جان ۔۔۔ ” وہ ان دونوں کا ماتھا چوم رہے تھے ۔۔۔ ” مجھے معاف کردے پلیز ” حدید روتے ہوئے بولا تھا ۔۔۔ ” میرا بچہ ۔۔ آپ اپنے بابا کو معاف کردو ” تاشفین روتے ہوئے بولے تھے ۔۔۔ ” ب۔۔۔۔۔ با ۔۔۔۔۔۔ بابا ” حدید ہچکچا کے بولا تھا ۔۔۔ ” با با ” امتسال بھی بولی تھی ۔۔۔ اور تاشفین کے اندر جیسے سکون پھیلا تھا ۔۔ ” بابا کی جان ” وہ تینوں ہنس رہے تھے ۔۔۔ رو رہے تھے ۔۔ مسکرا رہے تھے ۔۔۔ شیشے کے اس پار وہ تینوں کھڑے اس خوبصورت ملاپ جو دیکھ رہے تھے۔ ۔۔ ان کی آنکھیں بھی نم تھی ۔۔۔ جب حورین آئی تھی وہاں ۔۔۔ دروازے کے پاس کھڑی ہو کے اس نے جب یہ منظر دیکھا ۔۔۔ تو اس کے تن بدن میں آگ لگ گئی تھی ۔۔۔۔