Hawas by Urwa Fatima NovelM80058 Hawas (Episode 15)

Hawas by Urwa Fatima

امی،
اس نے مجھے ہاتھ لگایا تھا،،
نمرہ میری جان برا وقت یاد نہیں کرتے بیٹے
تم اس بات کا شکر ادا کرو کہ اللّٰه نے تمہاری عزت بچا لی تم کیوں اپنے آپ کو ازیت دے رہی ہو وہ سب یاد کر کے،،
ام امی ارحم، ارحم مان لیں گے کیا کہ میں نے کچھ نہیں کیا
وہ وہ نہیں مانیں گے امی،
ہاہہہہ نمرہ تم بہت خوش قسمت ہوکہ تمہیں ارحم جیسا انسان ملا ہے
پریشان مت ہو ذیادہ مت سوچو،
نمرہ نے چت لیٹ کر چھت کو گھورنا شروع کر دیا
چاۓ پیو گی نمرہ ،
ہمم پیوں گی،
اچھا میں لاتی ہوں ۔۔
زندگی کے دو سال گزر گئے خاموشی اور بےبسی میں نمرہ نے لیٹے لیٹے سوچا
اللّٰه تعالیٰ آپ کا شکر ہے کہ آپ نے میری عزت بچا لی ورنہ میں تو مر جاتی،
ایک آنسو آنکھ سے نکل کے رخسار پہ بہہ نکلا
کیسی ہو نمرہ روہان کی آواز پہ نمرہ چونکی
ٹھیک ہوں بھائی آپ آئیں اندر ۔۔
کمرے میں کیوں بند رہتی ہو ہر وقت باہر نکلا کرو پڑھائی شروع کرو اپنی،
نہیں بھائی،، اب نہیں پڑھ سکتی میں مجھ سے نہیں ہو گا اب،
آہہہہ اچھا پڑھائی نہیں تو پھر بدائی کرنی پڑے گی، روہان نے ہنس کر کہا کیونکہ وہ نہیں چاہتا تھا نمرہ کچھ سوچے
نمرہ جھینپ گئی
بھائی کک کیا اب بھی ارحم ویسے ہی رہیں گے نمرہ نے ڈرتے ہوۓ سوال کیا
نمرہ جو بھی کچھ ہوا اس میں تمہاری ہرگز غلطی نہیں تھی اور نہ تم اپنی بیماری کو اپنی سزا سمجھنا کیونکہ اللّٰه اپنے نیک بندوں کو ہی آزماتا ہے
نمرہ تمہارے بےخوشی میں گزرے دن ہمیں ارحم کا اصل روپ دیکھا گئے ہیں
کیا مطلب اصل روپ بھائی نمرہ کو خوف سا محسوس ہوا
یہ تمہیں ارحم خود بتاۓ گا
روہان کمرے سے نکل گیا تھا جبکہ نمرہ عجیب کشمکش کا شکار ہو چکی تھی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ سب کیا ہے کیا شور برپا کر رکھا ہے
سر آپ کو ویلکم کرنے کے لیے سب نے مل کہ یہ انتظام کیا ہے
صائم گاڑی سے نکلا تو ڈھول بجنا شروع ہوگیا ساتھ ہی پھول کی پتیاں برسائی گئیں ارباز جو کہ صائم کے ساتھ آ کھڑا ہوا تھا
بند کراو یہ سب صائم نے گوگلز اتارے ہوۓ کہا
ارباز نے اشارہ کیا اور ڈھول بجنا روک دیا گیا
چند ایک اہلکاروں نے پھولوں کے گلدستے صائم کی طرف بڑھاۓ جسے صائم نے پکڑ لیا
آپ سب اندر چلیں صائم پولیس سٹیشن کے اندر چلا گیا
آپ لوگ کیا ثابت کرنا چاہ رہے ہیں یہ سب چونچلے مجھے نہیں پسند ان سب سے میں ہرگز خوش نہیں ہونے والا اور اگر آپ لوگ واقعی مجھے خوش کرنا چاہتے ہیں تو حق اور حلال کمانا شروع کر دیں پولیس کے نام پہ لگا داغ مٹانا شروع کر دیں لوگوں کو تحفظ دیں اصل تحفظ بغیر لوگوں کی جیبیں خالی کیے کیونکہ ہمارا محکمہ ہمیں ادا کرتا ہے
صائم کی رعب دار آواز نے سب کو سہما دیا
ذرا سے توقف کے بعد صائم نے دوبارہ بولنا شروع کیا
میرے کچھ اصول ہیں اور میں چاہوں گا کہ آپ لوگ ان کا احترام کریں میں سمجھوں گا کہ آپ میرا احترام کر رہیں ہیں
اور یاد رکھیں اصل احترام وہ ہوتا ہے جو غیر موجودگی میں کیا جائے۔۔
اس بات کو سمجھ لیں کہ رشوت کوئی نہیں لے گا مجھے آپ سب سے پیار ہے اس لیے میں چاہتا ہوں کہ کوئی گناہ نا کرے
آپ سب جانتے ہیں نا رشوت لینے اور دینے والا دونوں جہنم کا ایندھن ہوں گے
اس لیے مجھے کسی کی خبر نا ملے کہ اس تھانے میں رشوت لی جا رہی ہے
دوسری بات اپنا اخلاق ایسا رکھیں جیسے آپ اپنے لیے چاہتے ہیں کوئی نہیں چاہتا کہ اس کی بےعزتی کی جائے اس لیے اخلاق کو بہتر کریں
باقی سب ساتھ ساتھ سیکھ جائیں گے چلیں سب اپنا کام کریں.
اور ارباز تم میرے کمرے میں آو
صائم نے بات ختم کی اور اپنے آفس کی طرف بڑھ گیا
چلو جی پہلے دن ہی جھاڑ پٹی ہو گئی مولا آگے خیر کرے ، سب انسپکٹر رحیم نے کہا تو سب آمین کہا
۔۔
ایس پی صاحب پہلا دن نے ہتھ ہولا رکھو سائیں
انسپکٹر ارباز نے اندر آتے ہی کہا
First Impression Is The Last Impression man
صائم نے ہنس کر جواب دیا
صائم جس جوتوں کی دوکان پہ کام کرتا تھا ارباز اکثر وہاں آتا تھا جان پہچان آہستہ آہستہ دوستی میں بدل گئی ارباز عمر میں صائم سے دو تین سال بڑا تھا لیکن اب دوستی اتنی گہری ہوچکی تھی کہ آپ جناب کا تکلف نہیں رہا تھا
اور اتفاقاً صائم کی پوسٹنگ اسی تھانے میں ہو گئی جہاں ارباز تعیینات تھا
اچھا ارباز مجھے بات کرنی ہے تم سے
ہاں بولو صائم
آئی جی صاحب کے سخت آڈرز مجھے ملے ہیں کہ اس علاقے میں کرائم ریٹ دن بہ دن عروج پکڑ رہا ہے جس میں سب سے ذیادہ بچوں کے ساتھ زیادتی کہ کیس ہیں
مجھے ایک ماہ کا وقت دیا گیا ہے اس سب کو کنڑول کرنے کے لیے اور اس میں مجھے انتہائی محنتی اور سچے لوگ چاہییں،،
صائم اس سب میں تمہیں طاقت کی بجائے دماغ سے کام لینا ہو گا کیونکہ اس علاقے کا کرتا دھرتا سیٹھ اکرم ہے
انتہائی مکروہ انسان ہے وہ اس علاقے میں ہونے والے ہر جرم کے پیچھے سیٹھ اکرم کی سپورٹ ہوتی ہے
شروع شروع میں میں نے بہت کوشش لیکن یہ سیاسی لوگ جینا حرام کر دیتے ہیں اور میں انسپکٹر تھا جبکہ تم ایس پی ہو اللّٰه نے تمہارے ہاتھ میں پاور دی ہے لحاظہ ہر پل ہر گھڑی میں تمہارے ساتھ ہوں
جب کبھی وقت آیا تو یہ سینہ گولی کھانے میں سب سے آگے ہو گا
ارباز نے سینے پہ ہاتھ رکھے ہوئے جوش سے کہا
صائم نے بغیر کچھ بولے ارباز کو اٹھ کر گلے لگا لیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لسن سسٹر،
یس،
مائیکرو بیالوجی کی لیب کس طرف ہے آپ بتا سکتی ہیں،
یہاں سے لیفٹ لیں گی تو سامنے بلڈنگ ہو گی لیب ایریا اس کے اندر سامنے والی لیب ہے فاریہ نے ہاتھ کے اشارے سے راستہ سمجھایا
اوکے تھینکس ،
بلکہ رکو میں ساتھ چلتی ہوں آپ کے مجھے بھی تھوڑا کام ہے فاریہ نے چلتے ہوئے کہا
باۓ دا وے میں فاریہ ہوں اور آپ کا نام کیا ہے ؟
مریم فاطمہ،
ماشاء الله نائس نیم فرسٹ سیمسٹر ہے آپ کا فاریہ نے سوال کیا
جی اسی لیے لیب کا نہیں پتا تھا کیونکہ پندرہ دن میں پہلی لیب ہے آج، مریم نے تفصیل بتائی
کیوں آپ کا کوئی دوست نہیں ہے جو آپ اکیلے ڈھونڈ رہی ہیں فاریہ پھر سے سوال داغہ
فلحال تو نہیں ہے کوئی دوست مریم نے مختصراً کہا
تو ٹھیک ہے ہم دوست بن جاتے ہیں فاریہ نے رک کر ہاتھ ملانے کے لیے بڑھایا جسے مریم نے تھام لیا
آپ کا کونسہ ائیر ہے مریم نے چلتے چلتے سوال کیا
سیکنڈ ائیر،،
ماشاء الله آپ تو سینیئر ہیں،،
جی ویسے مریم اس میڈکل کالج میں آپ کو کس بیس پہ ایڈمیشن ملا ہے سکولرشپ پہ یا سیلف پہ،
فل سکولرشپ پہ ہوا ہے،مریم نے جواب دیا،
ماشاء الله میرا بھی سکولرشپ پہ ہوا ہے لیکن ففٹی پرسنٹ،،
ماشاء الله
چلو مریم یہ آگئی تمہاری لیب اچھا لگا تم سے مل کے،
شکریہ مدد کرنے کے لیے فاریہ،
یو ویلکم فاریہ نے کہا اور چل دی
۔۔
۔۔
اسلام و علیکم بھائی مریم نے گاڑی میں بیٹھتے ہی صائم کو سلام کیا
وعلیکم اسلام کیسا رہا آج کا دن چندا
ٹھیک تھا آپ بتائیں آپکا دن کیسا رہا یقیناً رعب ڈالا ہو گا سب پہ،
ایسا ویسا سب کو ڈرا دیا صائم نے قہقہہ لگایا
چلیں پھر اس خوشی میں آئسکریم کھلائیں ،
مریم آج ٹائم نہیں ہے میرے پاس،
اچھا ایک کام کرتے ہیں شام کو ماما کو ساتھ لے کر آئیں گے
مریم کا منہ بنتا دیکھ صائم نے دوبارہ کہا
اوکے بھائی ڈن مسکراہٹ دونوں کے چہروں کو چھو گئی
بھائی آج نا لیب نہیں مل رہی تھی مجھے تو ایک لڑکی نے ہیلپ کی میری اچھی لگی مجھے وہ مریم نے بیگ سے چوکلیٹ نکالتے ہوئے داری کے بارے میں بتایا
شکر ہے خدا کا تمہیں بھی کوئی آدم زاد اچھا لگا
چلو اترو گھر آ گیا ہے امی کو کہنا میں لیٹ ہو جاؤں گا آج، صائم نے گاڑی روکتے ہوئے کہا
اوکے اللّٰه حافظ مریم گاڑی سے اتر گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دن گزرتے جا رہے تھے نمرہ بھی اب نارمل ہو گئی تھی روہان نمرہ کے بارے میں ذیشان کو بتا کر گیا تو اس کے آنسو جاری ہو گئے اور وہ سجدے میں جا گرا
بابا سائیں نے صحیح کہا تھا وہ رب سب کا ہے نیک کاروں کا بھی اور گنہگاروں کا بھی ذیشان نے دل سے شکر ادا کیا
اپنی الجھن اپنا گناہ جب اس نے بابا سائیں کو بتایا تھا تو ان کا جواب سن وہ ششد رہ گیا
وہ بولے بیٹا جب اللّٰه نے تیرا پردہ میرے آگے رکھا ہوا تھا تو تو نے کیوں اٹھا دیا اللّٰه جو کرتا ہے بہترین کرتا ہے تو بس اپنا کام کر عبادت کر توبہ کر اللّٰه کے کام اللّٰه جانتا ہے
ذیشان نے سر جھکا لیا
وہ مالکِ یوم دین ہے یعنی قیامت کے دن کا مالک ہے جو بہت بڑا دن ہو گا اب ہمیں اس کی تیاری کرنی ہے بابا سائیں کے یہ الفاظ ذیشان کے دل میں نقش ہو چکے تھے
بابا سائیں تیاری کیسے کرنی ہے ذیشان کے سوال پہ وہ مسکراۓ
“پتر کسی کے دکھ سن لیا کر کسی کا دل رکھ لیا کر جو مل جائے اس پہ شکر کیا کر جو نا ملے اس پہ صبر کر لیا کر اور یاد رکھ صبر وہ ہے جو دکھ اور غم کے موقعے پہ کیا جائے جو بعد میں آہستہ آہستہ خاموش ہو گے تو صابر نہیں کہلاو گے
معافی مانگ لیا کر بندے سے بھی اور اللّٰه سے بھی
یہی تیاری ہے باقی وہ مالکِ کل ہے وہی جانے اس کی رحمت جانے “
ذیشان کے کانوں میں یہ الفاظ گونجتے رہتے تھے
آج بھی بیٹھا وہ یہ سب سوچ رہا تھا جب کانسٹیبل نے آ کر بتایا کہ روہان ملنے آیا ہے
۔۔
ذیشان کو آتا دیکھ روہان اپنی جگہ سے کھڑا ہو گیا اور گلے لگ گیا
کیسے ہیں بھائی
الحمداللہ تم بتاو کیسے ہو
میں بھی ٹھیک ہوں
امی ابو نمرہ سب کیسے ہیں اور نائلہ اور بلال بھائی
ذیشان نے بے تابی سے سوال کیا
سب ٹھیک ہیں بھائی نمرہ آپ کو بہت یاد کرتی ہے
میں بھی تم سب کو بہت یاد کرتا ہوں ذیشان کی آنکھیں بھر آئیں
بھائی آپ کو پتا ہے ابھی میں نے کس کو دیکھا روہان نے رازداری سے کہا
کس کو ،
صائم کو ،
صائم کو یہاں، ذیشان نے حیرانی سے سوال کیا
ہاں پولیس کی یونیفارم میں اتنے سارے اہلکاروں کی جماعت کے ساتھ جو اس کے آگے پیچھے تھے،میں نے حیرانی سے گیٹ پہ کھڑے گارڈ سے پوچھا تو اس نے بتایا کہ نئے ایس پی صاحب آۓ ہیں جو کہ سب سے کم عمر اور انصاف پسند ہیں
روہان نے بات ختم کی
ذیشان کو مریم کا خیال آیا جسے وہ فوراً جھٹک گیا
یہ تو بہت ہی کمال کی بات ہے ذیشان نے خوشی سے کہا
ہاں بھائی ،، بھائی اگر آپ کے سلسلے میں میں صائم سے بات ۔۔۔۔۔۔۔۔
ہرگز نہیں روہان ذیشان نے اس کی بات پوری ہونے سے پہلے ہی منع کر دیا تو روہان خاموش ہو گیا
مزید دس منٹ کی بات چیت کے بعد روہان چلا گیا
جبکہ ذیشان وہیں پر سوچ انداز میں بیٹھا رہا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارباز مجھے اس علاقے کی ساری روپوٹ چاہیے پچھلے پانچ سال میں جتنے ریپ کیس مرڈر کیس فائل ہوئے ہیں کتنے قیدی ہیں اور کتنوں کو بے گناہ اندر کر رکھا ہے سب کے سب ریکارڈز آج کی تاریخ میں میری ٹیبل پر ہوں، صائم نے تائید کی
اوکے سر آج ہی سب ہو جاۓ گا
اور اگلے دس منٹ کے اندر سب کی دوڑیں لگ چکی تھیں
فائل کا امبار صائم کی ٹیبل پہ لگا ہوا تھا کچھ فائلز وہ سٹڈی کر چکا تھا اور کچھ اس نے گاڑی میں رکھوا لی تھیں
لیکن یہ تمام فائلز دو سال کا ریکارڈ تھیں اس سے پچھلی فائلز کی تلاش اور ترتیب اب بھی جاری تھی
رات کے نو بجے صائم پولیس سٹیشن سے نکل گیا جبکہ ارباز کی ڈیوٹی لگا گیا تھا کہ بارہ بجے سے پہلے کوئی گھر نا جائے اگر ڈیٹا نہیں ملتا تو
آئی جی صاحب کی انسرکشنز میں اس علاقے کی پولیس کو سیدھا کرنا بھی شامل تھا کیوں کہ جس علاقے میں جرائم کی شرح ذیادہ ہو یقیناً وہاں کی پولیس کاہل اور نااہل ہی ہو گی
صائم نے راستے میں مریم کو مسیج کیا
ریڈی ہو جاؤ تم اور مما آج کا کھانا باہر کھائیں گے اور اگر مجھے ویٹ کرنا پڑا تو میں ہلوں گا بھی نہیں اپنی جگہ سے،،
چند سیکنڈ میں ہی اوکے کا مسیج صائم کی موبائل سکرین پر چمک اٹھا
۔۔
ماما جلدی تیار ہو جائیں بھائی پہنچنے والے ہوں گے
لیکن کیوں تیار ہو جاؤں مریم کیا ہو گیا ہے
ماما آج کا کھانا ہم باہر کھائیں گے اس لیے نا
اور جو گھر میں بنا ہے وہ،،
وہ ہم صبح ناشتے میں کھا لیں گے اب اٹھ جائیں
مونا غصے سے مریم کو دیکھ کر چلی گئیں
کچھ ہی دیر میں صائم آگیا
مریم نے بلیک کلر کی گھٹنوں تک آتی شرٹ جینز کے ساتھ پہنی ہوئی تھی بالوں کو اچھی طرح پونی قید کیا ہوا تھا
شیفون کا دوپٹہ سر پہ ٹیکاۓ میک اپ سے پاک چہرہ لیے وہ صوفے پہ بیٹھی تھی جب صائم گھر میں داخل ہوا
چلیں بھائی صائم کو دیکھ کر مریم فوراً اٹھ کھڑی ہوئی
چینج نا کروں یونیفارم میں ہی چل پڑوں
توبہ ہے کر لیں منع کب کیا ہے میں نے مریم جھینپ گئی
صائم کمرے میں چلا گیا
آدھا گھنٹہ گزر گیا لیکن صائم نے باہر آنے کا نام تک نہ لیا
بھائی مریم نے چینخ کر کہا
اب اگر آپ باہر نا نکلے تو میں جا رہی ہوں اپنے کمرے میں، مجھے نہیں جانا کہیں،،
مریم کی آواز سن کر صائم پانچ منٹ میں ہی باہر نکل آیا
براؤن کلر کی شلوار قمیض پہنے کہنیوں تک آسینوں کو فولد کیا ہوا تھا جیل سے بال سیٹ کیے خوشبوئیں بی
بکھیرتا وہ مریم اور مونا کے سامنے جا کھڑا ہوا
تیار تو ایسے ہو کے آۓ ہیں جیسے کھانا کھانے نہیں آپ کا رشتہ لینے جا رہے ہیں مریم نے طنز کیا
اب چلنا ہے یا غصے سے پیٹ بھرنا ہے صائم نے گاڑی کی چابی گماتے ہوئے کہا
مریم خاموشی سے باہر نکل گئی
مونا اور صائم دونوں مسکرا دئیے
سارے رستے مریم خاموش رہی
صائم وقفے وقفے سے بلاتا رہا جس کا مریم نے مختصر سا جواب دیتی
ریسٹورنٹ میں بھی سب خاموشی سے کھانا کھا رہے تھے
جب ایک انجانی سے آواز پہ تینوں نے اسی سمت دیکھا جہاں سے آواز آئی تھی
ہیلو مریم
فاریہ تم،
آو ہمارے ساتھ بیٹھو مریم نے آفر کی
ارے نہیں میں اپنے پیرنٹس کے ساتھ آئی ہوں تمہیں دیکھا تو ایسے ہی ہیلو کرنے آ گئی
بیٹا آجائیں آپ کھانا کھائیں ہمارے ساتھ مونا فاریہ سے مخاطب ہوئیں
بہت شکریہ آنٹی لیکن میں کھانا چکی
اوکے مریم کل ملتے ہیں پھر اللّٰه حافظ
مما فاریہ نے آج کالج میں میری مدد کی تھی مریم نے دوبارہ کھانا کھاتے ہوئے عام سے انداز میں کہا
ہمم اچھی بچی ہے ماشاء الله مونا ہے جواباً کہا
صائم بظاہر لا تعلق سا بیٹھا تھا
لیکن فاریہ کا معصوم سا چہرہ اس کی آنکھوں میں بس گیا تھا
فاریہ کو گئے ابھی پندرہ منٹ بھی نہیں ہوۓ تھے کہ دل دوبارہ اس پری زاد کو دیکھنے کی ضد پہ اڑا تھا
کنٹرول ایس پی صاحب کنٹرول صائم نے زیرِ لب کہا
ہوں کچھ کہا بھیا آپ نے مریم نے عجیب نظروں سے دیکھا
ہاں وہ آئسکریم کونسی کھاو گی
چاکلیٹ،،
صائم نے ویٹر کو بلا کر آرڈر دیا
گھر آ کر بھی صائم کا دھیان فاریہ پہ ہی لگا رہا
اف یار کیا مصیبت ہے نیند کیوں نہیں مجھے صائم جھنجھلا کر اٹھ بیٹھا
اللّٰه تعالیٰ یہ نہ کریں پلیز میرے ساتھ صائم منہ پہ تکیہ رکھ کہ دوبارہ بیڈ پہ ڈھ گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نمرہ آج تمہارا تیسرا سیشن بھی ماشاء الله بہت بہترین رہا
آج سے تمہارا یہ میڈسن کا خرچ بچ جانے والا ہے تو ان کی تم آئسکریم لے کر کھایا کرنا ڈاکٹر حارث نے مسکرا کر کہا
نمرہ بھی مسکرا دی
روہان بھئ آج سے تمہارا بھی ہاسپٹل آنا جانا ختم
اسی لیے اب ہم گھر پر ملیں گے
ہاں ضرور آپ کا جب دل کرے آ جایا کریں
میں تو آ ہی جاوں گا فلحال تم آنا نمرہ اور امی ابو کے ساتھ کل میرے بیٹے کی پہلی سالگرہ ہے تو ہم نے چھوٹا سا میٹ اپ پلان کیا ہے
ارحم کو بھی کہہ دیا ہے میں نے ،
اوکے حارث صاحب پھر کل ملتے ہیں روہان نے اٹھتے ہوئے کہا
اوکے دین سی یو
نمرہ چل رہی ہو نا پھر کل، روہان نے گاڑی کا رخ گھر کی طرف موڑا
نہیں بھائی میرا دل نہیں کر رہا
نمرہ گھر میں رہنے سے یا لوگوں کو نظر انداز کرنے سے کچھ نہیں ہو گا الٹا ڈیپریشن ہو گا
بس کہ ہم چل رہے ہیں تیار رہنا
نمرہ خاموش ہو گئی اب وہ کیا بتاتی کہ وہ صرف اور صرف ارحم کا سامنا نہیں کرنا چاہتی
گھر آ کر پورا دن نمرہ کا اس بات کو سوچتے گزر گیا کہ وہ کیسے ارحم کو نظر انداز کرے گی کیونکہ کہیں نا کہیں وہ ارحم سے غصہ بھی تھی جب سے وہ ٹھیک ہوئی تھی ارحم نے اس سے بات تک نہیں کی تھی
میں اب آپ سے کبھی بات نہیں کروں گی ارحم نمرہ نے آنسو صاف کرتے ہوئے خود سے کہا
نمرہ میں آ جاؤں اندر روہان نے دروازہ نوک کیا
جی جی بھائی آ جائیں
ایک پیکٹ روہان نے نمرہ کی طرف بڑھایا
یہ لو،
یہ کیا ہے بھائی،
کل کے فنکشن کے لیے ڈریس ہے ،،
نمرہ نے پیکٹ کھولا تو ایک بہت خوبصورت وائٹ کلر کا فیری فراک نکلا
بھائی یہ اب میں کل پہنوں گی سالگرہ ڈاکٹر حارث کے بیٹے کی ہے میری نہیں ہے
نمرہ کو اتنا فینسی فراک دیکھ کے حیرت ہوئی
جو بھی ہے کل تم نے پہننا یہی ہے روہان نے بات ہی ختم کر دی
نمرہ خاموش ہوگئی
چلو اب اسی خوشی میں کافی پلاو مجھے
جی بنا کر لاتی ہوں نمرہ ڈریس بیڈ پر رکھ کر کچن میں چلی گئی