Hawas by Urwa Fatima NovelM80058 Hawas (Episode 04)

Hawas by Urwa Fatima

صبح کے دس بج رہے تھے جب نورے کی آنکھ مامتا بھرے احساس کے تحت کھلی
اٹھ گیا میرا بچہ میرے جان ، صالحہ نے پیار سے نورے کے بالوں میں ہاتھ پھیرتے ہوئے کہا
مگر نورے ماں کے چہرے کو بس غور سے ایسے دیکھ رہی تھی جسیے پہچاننے کی کوشش کر رہی ہو
نورے گل ،ایسے کیا دیکھ رہی ہو ، صالحہ نے پھر پکارا
مما ، نورے نے آہستہ سے پکارا
جی مما صدقے ،
مما ، مما ،مما وہ وہ ہ مم مجھے مار دے گا ، مما وہ وہ میری وہ میری ، چینختی ہوئی نورے ماں سے لپٹ کر بری طرح رونے لگی
مما بچا لیں مجھے
نورے نورے کون مار دے گا ،بتاؤ مجھے ، کس نے یہ سب کہا ہے تم سے، بتاؤ نورے
مگر نورے بغیر جواب دئیے ماں کی جھولی میں ڈھے گئی ،
نا جانے کتنے ہی پہر دونوں ماں بیٹی ایسے ہی آنسو بہاتی رہیں
مما نوڈلز دو ، صالحہ بقی کی آواز پہ چونکی
ہاں کیا کروں ،صالحہ نے بے دھیانی میں کہا
او ہو مما نوڈل دو بقی نے اپنا ننھا ہاتھ ماتھے سے ایسے ٹکرایا جیسے ماں کی کم عقلی پہ افسوس کر رہا ہو
اچھا چلو ، آ جاؤ نورے آپ کو بھی بنا کے دوں آپکا فیورٹ فلور
مما، جھٹ پٹ والا، بقی نے فوراً کہا
جھٹ پٹ نہیں بقی چٹ پٹا صالحہ نے ہنس کر کہا
آ جاؤ دونوں کچن میں ، صالحہ نے کہا تو دونوں ان کے پیچھے چل پڑے ،
نورے آپ برش کر کے آؤ پہلے بیٹا پھر کھانا ۔۔۔
جی مما ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نمرہ ، چوٹ تمہارے پاؤں پہ لگی ہے نہ،
آپ کو جیسے پتا ہی نہیں ہے روہان بھائی، نمرہ نے منہ بسور کر کہا
نہیں وہ تم نے شکل ہی ایسی خوفناک بنائی ہوئی ہے مجھے لگا شاید منہ پہ بھی لگی ہے
آپ کی شکل تو شہزادے گلفام سے ملتی ہے نہ ، نمرہ کہاں چپ کرنے والی تھی
اممم ہممممم کس بابا آدم کے زمانے سے ملا رہی ہو کم عقل لڑکی، پرنس چارم کہتی تو مزا بھی آتا
اچھا سر نا کھائیں اور جائیں ایک کام کر کے آئیں،
نمرہ اس وقت مجھے اس صوفے سے ہلنے کا بھی مت کہنا، میں بتا رہا ہوں پہلے ہی ، سارا دن یونیورسٹی میں خوار ہو کے آیا ہوں ، روہان نے تپ کر کہا
روہان بھائی حد ہے ویسے بندہ بیمار بہن کا ہی خیال کر لیتا ہے ، اور ویسے بھی میں صرف نورے کو بلانے کا کہہ رہی تھی کیونکہ میں تو جا نہیں سکتی ، نمرہ نے آخری بات مصنوعی آنسو صاف کرتے ہوئے کہی
معاف کرو مجھے ڈرامہ کوئین ، ذیشان بھی تمہارا سگا بھائی ہی ہے اس کو بھیج دو، روہان نے باقاعدہ ہاتھ جوڑ کر کہا
توبہ ہے روہان مت جاؤ مگر یہ مینا کماری تو نہ بنو، نائلہ نے روہان کا مزاق اڑایا جس پر نمرہ نے روہان کو چڑانے کے لیے دل کھول کر قہقہہ لگایا
کھی کھی کھی کرنا آتا ہے بس ڈیڑھ فٹی چوڑیل،
روہان بس بھی کرو کیوں سڑے ہوئے بیٹھے ہو ، روہان کے نمرہ کی نقل اتارنے پہ نائلہ کی پھر ہنسی چھوٹ گئی
کیا ہو رہا ہے بھئ کس بات پر ہنس رہے ہو تم سب، ذیشان ظہر کے بعد گھر واپس آیا تو سیدھا نمرہ کے کمرے میں آگیا
وہ سب چھوڑیں، ذیشان بھائی آپ جائیں نورے کو لے آئیں، نہ وہ کل سے آئی ہے نہ میں گئی ہوں، مجھے یاد آ رہی ہے اسکی نمرہ نے منت بھرے لہجے میں کہا
جائیں جائیں ذیشان بھائی، نورے کی دادو آپ کا گالیوں سے اچھا استقبال کریں گی، روہان نے ذیشان کو مستقبل قریب کا پتہ دیا
کیا مصیبت ہے روہان بھائی نہ خود جاتے ہیں نہ انکو جانے دے رہے ہیں ، نمرہ نے خاصہ چِلاّ کہ کہا
ااااافففففففففف خدایا کدھر پھنسایا، اپنے طرف سے نائلہ نے غصے میں کہا
واہ واہ آپی کیا شعر سنایا، مگر نائلہ کے غصے کو بھی روہان نے مزاق میں اڑا دیا
بس کرو روہان، اب پیٹو گے تم، ذیشان نے روہان کو دھمکایا
اور چھوٹی تھوڑا کم چیخا کرو اتنی بھی چھوٹی نہیں رہی تم اب، ساتھ ہی ذیشان نے نمرہ کو بھی ڈانٹا اور باہر نکل گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نورے، بقی آپ دونوں تمیز سے نوڈلز کھانا، ہمیشہ کھاتے کم اور گِراتے ذیادہ ہو صالحہ نے دونوں کو سمجھایا
مما میں نہیں آپی گندہ کھاتی ہے، تبھی بقی نے صفائی پیش کی
ایسے نہیں کہتے بقی بری بات ہوتی ہے، صالحہ نے اب کہ بقی کو ڈانٹا،،،،،،،،،
اسلام و علیکم چچی ！
کدھر ہیں آپ، ذیشان نے گھر میں داخل ہوتے ہی اونچی آواز میں کہا کیونکہ اس نے نگار بیگم کو گھر سے باہر نکلتے دیکھ لیا تھا
ذیشان کی آواز سنتے کی نورے کا منہ کی طرف جاتا کانٹا چمچ ہاتھ سے چھوٹ کر زمین پہ جا گرا
نورے کیا ہوا بیٹا، صالحہ نورے کو آتے پسینے اور زمین پہ گرا کانٹا دیکھ کر پریشان ہو گئیں
نورے جواب ميں زبان سے کچھ نہ بولی لیکن تیزی سے ماں کی طرف لپکی
نورے تم ذیشان سے ڈر رہی ہو، صالحہ کو اپنی آواز کھائی سے آتی محسوس ہوئی
نورے کے کچھ بولنے سے پہلے ذیشان کچن میں داخل ہوا،
ارے چچی میں کب سے آوازیں دے رہا ہوں، اور آپ جواب ہی نہیں دے رہیں
پتہ نہیں بیٹا میں نے سنا نہیں، تم بتاؤ کیسے آنا ہوا،
چچی میں نورے کو لینے آیا ہوں صالحہ کے برابر کھڑی نورے کو دیکھ کر ذیشان بولا
نورے فوراً صالحہ کے پیچھے چھپ گی
خیریت بیٹا نورے کو کیوں لینے آۓ ہو، صالحہ نے سوال کیا
چچی نمرہ اس کو بلا رہی ہے کہہ رہی ہے کہ نورے سے ملنا وہ تو بیچاری چل نہیں سکتی ابھی ،
بیٹا طبعیت تو نورے کی بھی بہت خراب ہے رات بے حوش ہوگئی تھی ہم سب تو اتنا پریشان ہو گئے تھے گیارہ بجے تو اس کو گھر لاۓ ہیں ہم،،،،،
چچی نظر لگ گئی ہے ہماری نورے گل کو، ہے بھی تو کتنی خوبصورت معصوم سی، ذیشان نے جس انداز میں کہا صالحہ کو عجیب لگا
نورے پھر نہیں چلو گی میرے ساتھ، ذیشان کی مکاری اسکی آنکھوں سے عیاں تھی جو کہ بحیثیت ماں صالحہ کو خوب سمجھ آ رہی تھی کیونکہ ماں وہ ہستی ہے جو نومولود بچے کے رونے سے پہچان لیتی ہے کہ بچہ بھوک. کی وجہ سے رو رہا ہے یا بیماری کی وجہ سے،،صالحہ بھی سمجھ رہی تھیں کہ ہو نہ ہو نورے کی اس حالت کا ذمہ دار ذیشان ہی ہے مگر وہ نورے کی زبان سے سننا چاہتی تھیں کے اصل حقیقت ہے کیا،
ذیشان بیٹا تو چلو گھر میں نمرہ کا حال پوچھنے آوؤں گی تو نورے کو ساتھ لے آوؤں گی ابھی ذرا چڑچڑی بنی ہوئی ہے ،
ٹھیک ہے چچی، خدا حافظ نورے، ذیشان کے اتنا کہنے ہی نورے. نے ماں کے بازؤں پہ گرفت سخت کر کہ آنکھ میچ لیں
نورے،نورے وہ چلا گیا ہے، صالحہ کے پکارنے پہ نورے نے آنکھیں کھولیں،
نورے مجھے بتاؤ، بتاؤ مجھے بیٹا ذیشان نے کیا کہا ہے تمہیں ،
نورے بیٹا آپ کو پتا ہے نہ اللّٰه کے بعد ساری باتیں مما کو بتاتے ہیں
ذی ذی ذیشان بھ بھائی نے نہیں کہا کچھ مما
پھر کس نے کہا ہے بتا دو بیٹا مت امتحان لو میرا،
کسی نے نہیں کہا کچھ ،اتنا کہہ کہ نورے اندر چلی گئی
یا میرے اللّٰه ایسا کچھ نہ ہو جو میں سوچ رہی ہوں میرے مالک میرے کسی بھی گناہ یا کوتاہی کا صلہ میری اولاد کو ازیت کی صورت میں نہ دینا، صالحہ نے صدقِ دل سے ربِ تعالیٰ سے دعا کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اماں نورے اور بقی کا خیال رکھنا، میں ذرا کھڑے کھڑے نمرہ کا پتا لیتی آؤں، صالحہ نے چادر پہنتے ہوئے اماں سے کہا
لیکن صالحہ سوچ کہ کچھ اور ہی نکلی تھیں گھر سے،،،،،،،،،،،،،،،،،،
اسلام و علیکم چچی نائلہ نے دروازہ کھولا تو سامنے صالحہ کو کھڑے پایا
وعلیکم السلام ، کسی ہو نائلہ،صالحہ نے گھر کے اندر داخل ہو کے خیریت پوچھی
ٹھیک چچی آپ نے بڑے دن بعد چکر لگایا،
ہاں بس بچوں کے سو کام ہوتے ہیں، نمرہ کہاں ہے میں ملنے ہی اس سے آئی ہوں تمہارے چچا بتا رہے تھے اس کا پاؤں زخمی ہے، گیلری کراس کرتی دونوں نمرہ کے کمرے میں آ گئیں
اسلام و علیکم چچی، نمرہ کینڈی کرش کھیلنے میں مگن تھی جب صالحہ کمرے میں داخل ہوئیں
وعلیکم السلام کیسی ہو نمرہ اور پاؤں کیسا ہے اب تمہارا ،
ٹھیک ہے چچی پاؤں بھی، بس باندھ کے بیٹھا دیا ہے،،، ہاہ پندرہ بیس دن کے لیے،نمرہ نے سرد آہ بھری
بیٹھ جائیں آپ کھڑی کیوں ہیں، تبھی روہان کی آواز آئی جو کہ کمرے میں داخل ہوا تھا
روہان کے بعد فرحت اور ذیشان بھی کمرے میں داخل ہوا
چچی نورے کو نہیں لائیں آپ،ذیشان نے آتے ساتھ ہی سوال کیا
صالحہ کے ماتھے پہ شکن آئی، نہیں اس نے خود آنے سے انکار کر دیا تھا تو میں آ گئی ، صالحہ نے روکھے لہجے میں جواب دیا
کیوں چچی میں تو اس کا انتظار کر رہی تھی اور وہ آئی ہی نہیں، نمرہ نے منہ لٹکا کر کہا
ارے بیٹا اصل میں نورے کی طبیعت بہت خراب ہے کل رات سے ،
کیا ہوا چچی نورے کو ، نمرہ اور نائلہ ایک ساتھ بولیں
بیٹا کل جب سے تمہارے گھر سے آئی ہے گم سم سی نہ کچھ بولے اور اگر بولے تو ایسے ڈرے جیسے کوئی اس کو خاموش رہنے پر زبردستی کر رہا ہو ڈرا دھمکا رہا ہو،رات کو بے حوش بھی رہی ہے دو گھنٹے،میں اور رافع تو بھاگے ڈاکٹر کے پاس،
ہاۓ صالحہ بیچاری معصوم جان، ہوا کیا بچی کو ڈاکٹر کیا کہتا تھا
بھابھی ڈاکٹر کہتا نورے کو کوئی صدمہ لگا ہے،
یا اللّٰه اتنی سی بچی کو کون سا صدمہ لگ سکتا ہے صالحہ، فرحت نے ہاتھ جھلا کر کہا
بھابھی ڈاکٹر کہتا ہو سکتا ہے کسی نے نورے کو ڈرایا ہو،
یہ تمام باتیں کہتے وقت صالحہ کی نظر ذیشان پر ہی ٹکی ہوئی تھی اور ذیشان کے چہرے پر بدلتے رنگ انہیں بہت کچھ واضح کر رہے تھے
ماں تھیں سمجھ کیسے نا آتا کہ انکی بیٹی کس اذیت سے گزر رہی ہے
اللّٰه بیچاری بچی کو آرام دے مگر صالحہ نورے کل ہمارے گھر کس وقت آئی تھی، فرحت نے حیرانی سے پوچھا
یہی کوئی دو ڈھائی بجے
نمرہ اس وقت تو ہم شادی میں پہنچ گئے تھے نا،
ہاں صالحہ اس تو ہم رضا کے دوست کے شادی پر مدعو تھے ،
آپ سب گئے تھے کیا بھابھی صالحہ نے لہجے کو نارمل رکھتے ہوئے پوچھا
ہاں بس ذیشان کی کوئی اسائمنٹ تھی تو یہی گھر تھا بس، فرحت نے گویا صالحہ کے سر پہ بم پھوڑا تھا
اور ذیشان کو یک دم ٹھنڈے پسینے آنے لگے،
ذیشان تمہیں کیوں پسینے آرہے ہیں، صالحہ نے ذیشان کے چہرے پہ نفرت سے نگاہ ڈالی
نہیں تو چچی، آپ کو غلط فہمی ہوئی ہے
جی بیٹا جی. غلط فہمی تو بہت بڑی ہو گئی تھی ،
کون سی غلط فہمی صالحہ، کوئی نہیں بھابھی کوئی نہیں،
اچھا بھابھی میں چلتی ہوں میری نورے کو اب اکیلا نہیں چھوڑ سکتی میں
خدا حافظ！
یہ آج چچی کو کیا ہوا ہے ایسے عجیب باتیں کیوں کر رہی تھیں، نائلہ نے لہجے میں حیرانی سموۓ کہا
ہاں اور دیکھو تو دس منٹ بھی نا بیٹھی ایسی بھی کیا جلدی، فرحت نے منہ بنا کر کہا
امی، آپی آپ دونوں منفی سوچ مت رکھا کریں چچی بتا کر تو گئیں ہیں کہ نورے بیمار ہے وہ پھر بھی نمرہ کی خیریت دریافت کرنے آئیں، بجائے انکی نیکی کرنے کہ آپ برائی کر رہی ہیں، روہان نے ادب سے دونوں کو سمجھایا
چلو جی ہو گیا مولانا روہان کا بھاشن شروع ،نائلہ نے نمرہ کے برابر بیڈ پہ لیٹتے ہوئے کہا
جبکہ روہان مسکرا کر کمرے سے باہر چلا گیا
سب اپنے کاموں میں لگ گئے لیکن ذیشان،،،،،،،،،
ذیشان وہی بیٹھا نورے کو لعنت ملامت کر رہا تھا کیونکہ ذیشان کو یقیں ہو چلا تھا کہ نورے اس کے بارے میں سب بتا چکی ہے اور اب وہ ایسے منصوبے بنا رہا تھا جس سے نورے اس کو حاصل ہوجاۓ،،،،،،،،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صالحہ گھر میں داخل ہوئیں اور سیدھا اپنے کمرے میں جا کر سسک سسک کر رونے لگیں
اور اللّٰه سے دعائیں کرنے لگیں
“یا اللّٰه میں جو سوچ رہی ہوں وہ نہ ہو میرے اللّٰه میری بیٹی کی عزت تیرے حوالے بیشک عزت و زلت تیری کی عطا ہے میرے مالک تو مجھے اور میری بیٹی کو ہمت دے میری نورے کو ٹھیک کر دے آج سے میری نورے اور اس کی عزت تیرے حوالے ،،
نا جانے کب روتے روتے صالحہ کی آنکھ لگ گئی اور جب آنکھ کھولی تو شام کے چھے بج رہے تھے
یا اللّٰه میں بے خبروں کی طرح سوئی رہی اماں اور بچے بھوکے ہی رہ گئے
ارے ارے آپ کب آۓ اور یہ سب کیا چل رہا ہے صالحہ برآمدے میں آئیں تو دیکھا کہ رافع اماں اور بچے بیٹھے پیزا پارٹی کر رہے ہیں
ہم اس وقت آۓ جب صالحہ بیگم آپ گدھے گھوڑے نہیں بلکہ پورا اصطبل بیچ کے سو رہی تھیں
ہے نا نورے رافع صاحب نورے کا دھیان تکلیف دہ چیزوں سے ہٹا کے اسکو خوش کرنا چاہ رہے تھے
نورے نے ہلکا سا مسکرا کے جواب دیا اور دادو کی طرف کسک گئی
ذیشان کے رویے اور اس بد فعلی کی وڈیو نے نورے کے معصوم دماغ میں مردوں کی ایک ایسی خطرناک امیج بنا دی تھی کہ نورے کو اپنے باپ سے بھی خوف آتا تھا اور وقت کے ساتھ ساتھ یہ خوف بڑھتا جا رہا تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نورے کے ساتھ پیش آۓ اس واقعہ کو دو ماہ سے ذیادہ گزر چکے تھے اور اس تمام عرصے میں نورے کا خوابوں میں ڈر کر چینخنا، رافع صاحب سے دور دور رہنا،ذرا سی آواز پہ بری طرح اچھل پڑنا،
ان تمام علامات میں افافہ ہو رہا تھا
لیکن اس تمام عرصے میں صالحہ نے خود کو مضبوط بنا لیا
نورے کے بدلتے رویوں پہ صبر کیا اور اپنے ہر عمل سے نورے کو مضبوط بنانے کی کوشش جاری رکھی مگر ایک بار بھی نورے کو ذیشان کے گھر نا جانے دیا نہ کسی قسم کا سوال کیا کہ آخر ذیشان نے اسکو کہا کیا کیونکہ صالحہ نے سب اللّٰه کے سپرد کر دیا تھا ،،،،،
لیکن صالحہ کا دل رافع صاحب کے لیے بہت دکھتا تھا کیونکہ نورے انکی پہلی اولاد تھی دل و جان سے عزیز اور آج وہی بیٹی انکو نزدیک نہیں آنے دیتی ،
رافع صاحب نے اپنے کمرے کی بجائے اماں کے کمرے میں سونا شروع کر دیا اور نورے صالحہ اور بقی کے ساتھ سوتی ۔۔۔۔۔۔۔۔۔۔۔۔
مما میرا پلو دو بقی نے حکمیہ انداز میں کہا
وہ کیوں بقی، صالحہ نے عام انداز میں پوچھا
میں دادو ساتھ سوؤں گا آپ آپی کو پیار کرتی ہو، بقی نے ہاتھ جھلا کر کہا
اچھا چلے جاؤ، صالحہ نے بھی جان چھڑائی
نورے آ جاؤ بیٹا، صالحہ نے پکارا
نورے ماں کو خاماشی سےلپٹ گئ
۔۔۔۔۔۔۔۔۔۔
مما،، رات کے تقریبا ایک بجے نورے کی آواز خاموش کمرے میں ابھری
مگر صالحہ شاید سو چکی تھی تبھی جواب نہ دیا
مما، اب کے نورے نے ہاتھ سے ہلا کے جگایا
ہمممم، صالحہ نے کچی پکی نیند میں جواب دیا
مما آپ نے کہا تھا نا کہ مما سے بات چھپانا بری بات ہوتے ہے
ہمممم کہا تھا،صالحہ نے اسی انداز میں جواب دیا
مما اگر میں آپ کو ایک بات بتاؤں. تو آپ کسی کو بتاو گی تو نہیں
نورے کی بات سن کے صالحہ مکمل طور پہ بیدار ہو گئیں، نہیں بتاؤں گی آپ بتاو
مما ذی ذیشان بھائی اچھے نہیں ہیں، نورے نے کپکپاتی ہوئی آواز میں کہا