Mein Kese Kaho By Umme Emman Fatima NovelM80070 Mein Kese Kaho (Episode - 26)

Mein Kese Kaho By Umme Emman Fatima

ثانیہ نے پینٹ شرٹ پہنی اور کیب کروا کر مینٹل ہاسپیٹل پہنچی۔۔

مجھے مسٹر کمال سے ملنا ہے۔وہ چوکیدار سے بولی۔۔

سوری میڈم آپ نہیں مل سکتی۔وہ مصروف ہے۔چوکیدار بولا۔

ثانیہ نے پرس سے پانچ ہزار کے دو نوٹ نکال کر تھماۓ تو اسکی آنکھیں چمک اٹھی..

بی بی جی یہاں سے جاکر داٸیں مڑ جاٸیں۔۔ثانیہ سر ہلا کر تیزی سے آگے بڑھ گٸی۔جب وہ کمال کے آفس کے سامنے پہنچی تو کمال کسی سے فون پہ لگا تھا۔۔

ایک لڑکی ہے روما باٸی۔۔پورا خاندان کا قتل ہو چکاہے۔بس شاک میں رہتی ہے۔۔ابھی تھوڑی چھوٹی ہے مگر بہت پیاری ہے۔اور تیرے کام کی ہے۔۔کمال کی بات پہ ثانیہ کی آنکھیں سرخ ہو گٸی۔۔

وہ تیزی سے اندر بڑھی۔جہاں سب مریض تھے تو اسے کھڑکی میں ہانیہ نظر آٸی۔۔ثانیہ کی آنکھیں بہنے لگی۔پھر وہ ایک جھٹکے سے مڑی اور تیز قدموں سے چلتی وہ سڑک پہ نکل آٸی اس کی نظر ایک پہلوان نما آدمی پہ پڑی جس کو کسی نے گولی ماری تھی وہ بےیارومددگار پڑا تھا اسکے پاس ایک عورت رو رہی تھی۔۔

ثانیہ تیزی سے انکی طرف بڑھی اور ہاسپیٹل لیکر گٸی۔پھر اس آدمی کی بینڈیج کروا کر وہ اسے گھر تک چھوڑنے آٸی تو اسکے اکھاڑے میں پہلوان دیکھ کر چونکی۔۔پھر اس نے اس پہلوان کی مدد لینے کا سوچا۔۔

پھر شام میں وہ ایک بریف کیس لیکرخود اس پہلوان سے ملنے گٸی۔۔اور اسے اپنے لٸے کام کرنے کی آفر کی۔۔مگر ساتھ شرط رکھی کسی کو حقیقت نہ بتانے کی۔۔

اور پھر وہ وہاں سے سیدھی اسی مینٹل ہاسپیٹل پہنچی ایک میڈ کی ڈیوٹی کی جگہ۔۔اور کمال کے آفس پہنچی۔اورایک کونے میں چھپ کر انتظار کرنے لگی۔اور دوسری طرف اسکے آدمی ہانیہ کو نکالنے کے لٸے بالکل تیار تھے۔۔

پھر کچھ دیر بعد روما باٸی اور کمال اندر داخل ہوۓ تو ثانیہ چوکنی ہوکر بیٹھ۔۔پھر ان دونوں کی ہر ہر حرکت تصویر کلک کی۔۔اور کچھ دیر بعد وہ انکے سامنے آٸی تو وہ دونوں اچھل پڑے۔۔

ثانیہ کے چہرے پہ غصہ “نفرت کی لہر دوڑ گٸی۔۔

پھر وہ چلتی ہوٸی انکے سامنے بیٹھ گٸ۔۔

کون ہو تم؟ کمال چلایا۔۔۔

چلا مت اور تجھے میں بتاتی ہوں کون ہوں میں۔۔میرا نام ثانی ڈان ہے۔۔ایک قتل اور ایک آدھا قتل کر چکی ہوں۔۔اور اب دو قتل یہاں ہونگے۔اور تمہارے خاندان ذلیل بھی ہونگے۔۔

نن ،نہیں ایسا مت کرنا۔۔کمال گھبرا گیا۔۔

ثانیہ کے چہرے پہ تلخ مسکراہٹ آگٸی۔۔

پھر اس نے جھک کراپنی پنڈلی کے ساتھ لگا چاقو نکالا اور تیزی سی کمال کے سینے میں گھونپ دیا۔۔

روما باٸی کا رنگ زرد پڑ گیا۔۔

مجھے لگتا تھا مرد گھٹیا ہوتاہے مگر تو تو عورت ہوکرعورت کی تذلیل کرتی ہے۔ثانیہ نے نفرت سے کہا۔۔

اور پھر چاقو روما کی۔دونوں گال میں چلا دیا۔۔روما کی چیخ نکلی روما نے اسکے حلق میں چاقو گھونپ دیا۔۔پھر وہ تیزی سے نوٹ بک پہ لکھنے لگی۔۔

یہ دونوں ان معصوم بچیوں کیساتھ بربریت کا کھیل کھیلتے رہے ہیں تو یہ انکا انجام ہے۔اس مینٹل ہاسپیٹل میں اگر مجھے دوبارہ ایسی سرگرمی دکھی تو اسکا ہال بھی یہی ہوگا۔۔۔

فرام۔ثانی ڈان۔۔۔

پھر وہ اطمینان سے واشروم کیطرف بڑھی اور چاقو اور ہاتھ منہ دھو کر تیزی سے باہر نکل گٸی۔اور پھر صوفی پہلوان کو فون ملانے لگی۔

یس صوفی کام ہوگیا۔ثانیہ نے پوچھا۔۔

جی میڈم وہ لڑکی آپکی کیب میں ہے۔۔

ثانیہ فون بند کر کے تیزی سے اپنی کیب کیطرف بڑھی۔۔پھر وہ کیب رکوا کر ایک جگہ رکی اور ہانیہ کو نکال کر اندر بڑھ گٸی۔

اور ہانیہ کو بیٹھا کر تیزی سے اپنا نقاب اتار کر ہانیہ کے سامنے بیٹھ گٸی۔۔

ہنی۔۔ثانیہ نے نم لہجے میں پکار۔

ہانیہ کی آنکھیں تیزی سے اوپر اٹھی پھر ثانیہ کو سامنے دیکھ کر اسکی چیخ نکلی اور دوسرے پل وہ ثانیہ کے گلے لگ کر پھوٹ پھوٹ کر رودی۔

پھر ثانیہ نے بمشکل اسے سنبھالا اور پھر اسکا پراپر علاج کروانے لگی۔۔

کچھ مہینوں میں ہانیہ سنبھل چکی تھی۔۔

ثانیہ نے اسکا ایڈمیشن کروایا۔۔اور وہ خود بھی ایک نجی ادارے میں تعلیم حاصل کرنے لگی۔اور دن کو وہ پڑھتی رات کو وہ ایک دہشت تھی۔فراڈ کرنے والوں کو پولیس سٹیشن پہنچاکر خود پیسہ لیکر فرار ہو جاتی تھی۔۔

وقت گزرتا گیا۔وہ دن میں ایک عام سی لڑکیوں کیطرح زندگی جیتی رہی۔۔اور وقت پر لگا کر گزرتا گیا۔۔ثانیہ کی روش نہ بدلی۔ہانیہ اسے روکتی مگر وہ ان سنی کر دیتی۔۔پھر ہانیہ اپنی سپیشلاٸزیشن کیلٸے بیرون ملک چلی گٸی۔۔اور ثانیہ اسے چھوڑ کر آ رہی تھی جب صوفی کے ایک آدمی جو کہ مراد علی کا آدمی تھا اس نے حملہ کیا۔۔اور ناٸلہ آفندی نے اسے نا صرف ہاسپیٹل پہنچایا بلکہ جب تک وہ ڈسچارج نہیں ہو گٸی تب تک وہ آتی رہی۔ثانیہ ان سے بہت متاثر ہوٸی۔پھر اس نے انکی این جی او کیلٸے کام کیا۔جہاں ظلم ہوتا ناٸلہ آفندی اسےکہتی اور ثانیہ انکا وجود بھسم کر دیتی تھی۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔

اسکے حالات جان کر پری زیب کی آنکھیں نم ہو گٸی

ثانیہ تم بہت بہادر ہو۔۔

ثانیہ نے اسکی بات پہ سر جھکا لیا۔۔۔

ثانی تم ایک بار صفدر بھاٸی کے۔۔۔

پری زیب پلیز مجھے اس ٹاپک پہ بات نہیں کرنی۔۔ثانیہ اسکی بات کاٹتی ہوٸی اٹھ کھڑی ہوٸی۔۔

لیکن ثانیہ میری بات تو سنو۔۔۔

ہماری روانگی صبح صبح ہے۔۔پلیز جاکر آرام کرو۔۔ثانیہ نے سپاٹ لہجے میں کہا۔

پری زیب گہری سانس بڑھ کر باہر نکل آٸی۔۔

پھر اگلی صبح وہ چاروں واپسی کیلٸے نکل گٸے تھے۔

صفدر گاڑی چلا رہا تھا اور زین ساتھ فرنٹ سیٹ پہ بیٹھا تھا۔پری زیب اور ثانیہ پیچھے بیٹھی تھی۔۔

صفدر گاٹے بگاہے سامنے مرر سے اسے دیکھ رہا تھا جسکا چہرہ ہر طرح کے جذبات سے عاری تھا۔۔

پھر وہ ایک ڈھابے نما ہوٹل میں رکے کھانا کھانے۔۔زین اور صفدر آرڈر لینے گٸے تھے وہ دونوں سامنے رکھی کرسیوں پہ بیٹھ گٸی۔۔

کچھ دیر بعد وہ دونوں کھانا لیکر آۓ تو زین کا موڈ آف تھا۔۔

کیا ہوا۔۔؟ پری زیب نے پوچھا۔

واٹ دا ہیل یار۔آلو پراٹھا“گوبھی پراٹھا“ساگ “دال کے علاوہ کچھ بھی نہیں ہے۔۔وہ تپا۔

واٶ،مجھے تو یہ سب بہت پسند۔۔پری زیب نے آنکھیں میچ کر کہا۔۔۔۔

زین اسے گھور کر رہ گیا۔۔۔

پھر زین کے علاوہ سب نے ڈٹ کر کھانا کھایا۔اور پھر گاڑی کیطرف بڑھ گٸے۔۔پھر وہ مسلسل سفر کرتے ہوۓ اگلے دن فجر ٹاٸم وہ اسلام آباد پہنچ چکے تھے۔۔اور آگے انکی کراچی کی فلاٸٹ تھی۔۔۔

۔۔۔۔۔۔۔۔۔۔۔۔۔۔۔۔۔۔

فیضان بے چینی سے زین پری زیب کا انتظارکر رہا تھا۔واسق انکو اغوا کرکے لانے والا تھا۔۔تبھی واسق ہانپتا ہوا اندر آیا۔۔

سر پولیس کی بھاری نفری ہمیں گھیر چکی ہے۔اور کمشنر صاحب خود باہر آۓ ہیں۔۔۔واسق نے اندر آکردھماکا کیا۔۔

پھر پولیس کے آدمی اندر آکر ہر طرف چیزیں الٹنے پلٹنے لگے۔۔

یہ سب کیا کر رہے ہیں آپ۔۔

ہمیں پتا چلا ہے تمہارا مراد علی کیساتھ رابطہ تھا اور وہ تجھے پتا ایک قاتل اور ڈرگس ڈیلر ہے۔تمہارے سیکریٹری نے اور تم نے اس سے ملاقات کی تھی۔۔اور تصویریں ہیں تمہاری اسکے ساتھ۔۔۔کمشنر نےاندر آکر کہا۔فیضان علی کا رنگ فق ہو گیا۔۔

پھر پولیس کو کچھ نہ ملا تووہ اسے مزید تحقیقات کیلٸے کل پولیس اسٹیشن آنے کا کہہ کر مڑ گٸے۔۔

فیضان علی پولیس کے جانے کے بعد سر پکڑ کر بیٹھ گیا۔۔

واسق پریشان سا ایک ساٸیڈ پہ کھڑا تھا۔جبھی دروازہ کھٹکا کر مسز ناٸلہ آفندی اندر آٸی۔۔فیضان حیرت زدہ انہیں دیکھ رہا تھا۔۔۔۔۔۔۔

کیسا لگا ٹریلر فیضان علی۔۔اور آج تو میں نے صرف یہ کروایا ہے کل تمہیں سچ میں جھیل بھیج سکتی ہوں۔۔ناٸلہ آفندی نے ناگواری سے کہا۔۔

آپکی ہمت کیسے ہوٸی میرے ساتھ یہ سب کرنے کی۔۔وہ چلایا۔۔

تمہاری کیسے ہمت ہوٸی میرے بیٹے کو مارنے کا سوچنے کی۔اور میری بہو پہ گندی نظر رکھنی کی۔تمہیں معلوم نہیں کون ہوں میں۔۔تم نے میرے ساتھ الجھنے سے پہلے کچھ نہ سوچا کہ کونسی تباہی تمہارا مقدر بن سکتی ہے۔تم سرخیوں کی زینت بن چکے ہو۔۔اور یہ میں اگر چاہوں تو سب روک سکتی ہوں۔اور مراد علی کا بیان بدلوا سکتی ہوں۔مگر تمہیں یہاں سے کہیں دور جانا ہوگا۔۔

اگر نہ جاٶں تو۔۔۔۔

ہاہاہاہا۔۔تمہارے پاس کوٸی آپشن نہیں ہے۔تمہارا سب کچھ تباہ ہو جاۓ گا۔تمہاری عزت،شہرت،پیسہ سب جاۓ گا۔کیونکہ لوگوں کو جب پتا چلے گا کہ تم ایک کریمنل ہو جو کہ زین آفندی پہ قاتلانہ حملہ کر چکا تو تمہارا ہر کانٹریکٹ کینسل ہو جاۓ گا۔۔جبکہ کل معروف این جی او کی سی ای او اگر لوگوں سے کہے گی کہ فیضان علی بے گناہ ہے تو دنیا تمہارے قدموں میں آۓ گی۔۔ناٸلہ آفندی نے کہا۔۔

بہت شاطر عورت ہیں آپ۔۔فیضان لب کاٹتے ہوۓ بولا۔۔

ناٸلہ آفندی طنزیہ انداز میں مسکراٸی اور پرس اٹھا کر نکل گٸی۔۔۔

اب کیا ہوگا۔۔؟واسق نے پوچھا۔۔

میرے پاس کوٸی راستہ نہیں رہا مجھے پری زیب کو پانے کے جنون میں سب نہیں کھونا،یہ عورت بہت ہی بڑی آفت ہے۔نجانے کیسے اسکو ہر معاملے کی بھنک پڑتی ہے۔خیر چھوڑو اور تیاری کرو ہمیں یہ شہر چھوڑنا ہوگا۔۔

واسق اسکی بات پہ سر ہلا کر نقل گیا۔۔

۔۔۔۔۔۔۔۔۔۔۔۔۔۔۔۔۔۔۔۔۔

ناٸلہ آفندی کو راستے میں ہی صفدر کا میسیج وصول ہوا تھا کہ وہ پہنچنے والے ہیں۔تو ناٸلہ آفندی گھر کیطرف روانہ ہو گٸی۔۔

وہ گھر پہنچی تو سامنے ہی فاریہ بیٹھی تھی۔

وہ گہرا سانس بھرتی اسکی طرف بڑھی۔۔

کیوں آٸی ہو۔۔؟ ناٸلہ آفندی نے پوچھا۔۔

یہ میری پری کاگھر ہے جب چاہوں آ سکتی ہوں۔۔۔

تم پری کا گھربرباد کرو گی۔۔ناٸلہ آفندی نے سر جھٹک کر کہا۔۔

آباد کب ہے۔۔؟ وہ طنزیہ انداز میں پوچھنےلگی۔

آباد ہی ہے۔وہ دونوں ایک دوسرے کو اپنا چکے ہیں اور ہو سکتا وہ جلد خوشخبری سناۓ تمہیں ممانی بننے کی۔ناٸلہ آفندی نے کہا۔۔

اچھی بات ہے مگر دل میں ایک خلش ہے اسکا جواب دے دیں۔۔

ناٸلہ آفندی نے اسکی بات پہ چونک کر دیکھا۔۔۔

پری زیب اور میں ایک کلاس کی تھی۔مگر پری زیب سے آپ کا لگاٶ اور جھکاٶ کیوں؟ اور مجھ سے اتنی نفرت کیوں تھی کہ میرے گھر رشتہ لیکر آکر مجھے کہا کہ غیرت ہے تو میرے بیٹے کو خود سےایسے الگ کرو کہ وہ تم سے نفرت کرے۔۔فاریہ نے کرب سے پوچھا۔۔

تمہارے کسی سوال کا جواب دینا ضروری نہیں سمجھتی۔اب تم یہاں سے دفع ہو سکتی ہو۔میں نہیں چاہتی میرا بیٹا ،بہو تمہیں دیکھ کر اپ سیٹ ہوں۔۔ناٸلہ آفندی نے سپاٹ لہجے میں کہا۔۔

فاریہ کے چہرے پہ تلخ مسکراہٹ آگٸی۔۔

پھر وہ بیگ اٹھا کر تیزی سے مڑی تو پیچھے پھٹی پھٹی نگاہوں سے دیکھتے پری زیب اور زین کو دیکھ کر ٹھٹھکی۔۔

ناٸلہ آفندی نے چونک کر پیچھے دیکھا تو انکو لگا انکی جان نکل گٸی ہے۔۔

زین کی آنکھوں میں اعتبار ٹوٹنے کا درد صاف دکھ رہا تھا۔۔فاریہ تیزی سے بھاگتی ہوٸی وہاں سے نکل گٸی۔

زین اپنے بوجھل قدم اٹھاتا ناٸلہ آفندی کے سامنے آکر دوزانو بیٹھ گیا۔۔پری زیب نے اسے تھامنا چاہا تو زین نے اسے پیچھے دھکا دیا۔۔۔

تم بیچ میں مت آٶ۔۔آج ایک بیٹے کی عدالت میں اسکی سفاک ماں کھڑی ہے۔مجھے ان سے بات کرنے دو۔۔۔وہ دھاڑا۔۔۔

پری زیب سہم کر ساٸیڈ پہ ہو گٸی۔۔

زین نے ناٸلہ آفندی کے گھٹنوں پہ ہاتھ رکھ دٸیے۔۔

میں تو آپکا بیٹا ہوں نہ پھر میرے ساتھ یہ کیوں کیا۔جب میں مر رہا تھا تب ہی مجھ پہ ترس کھا کر فاریہ کے پاس نہیں گٸی۔۔

مجھے بتاٸیں آپ۔کہ ایک ماں ایسا کر سکتی کیا؟ مجھے فاریہ کی بےاعتباری نے مجبور کیا تھا کہ میں خود کو مار لو،مگر اب آپکی بےاعتباری پہ دل کر رہا میں دنیا تہس نہس کردوں۔۔

آج مجھے شرم آ رہی کہ آپ میری ماں ہیں۔وہ چلا کر بولا۔۔

ناٸلہ آفندی نے کرب سے آنکھیں میچ لیں۔۔

زین کچھ پل انہیں دیکھتا رہا پھر تیزی سے اٹھ کر وہ اپنے روم کیطرف بڑھ گیا۔۔

پری زیب نے متوحش انداز میں ناٸلہ آفندی کو دیکھا۔۔

پری زیب زین کے پیچھے جاٶ۔اسے تمہاری ضرورت ہے۔ناٸلہ آفندی نے کہا۔۔پری زیب تیزی سے اوپر کی جانب بڑھی۔۔

ناٸلہ آفندی چہرہ ہاتھوں میں چھپا کر رودی۔۔کچھ فاصلے پہ کھڑی ثانیہ نے لب کاٹتے ہوۓ انہیں دیکھا۔۔

۔۔۔۔۔۔۔۔۔۔۔۔۔۔۔۔۔۔۔

پری زیب دروازہ کھول کر اندر داخل ہوٸی تو زین نے پرا کمرہ تہس نہس کر دیا تھا۔اور خود بیڈ کیساتھ زمین پہ بیٹھا تھا۔اسکے ہاتھ سے خون نکل رہا تھا۔۔

وہ تیزی سے زین کیطرف بڑھی۔۔

زین یہ کیا کیا تم نے۔۔پری زیب نے اسکا ہاتھ تھام کر تڑپ کر کہا۔

زین نے ایک جھٹکے سے اپنا ہاتھ چھڑوایا۔۔

جاٶ یہاں سے پری زیب۔میں تمہاری شکل نہیں دیکھنا چاہتا۔۔وہ چلایا۔۔

مگر میرا کیا قصور۔۔۔ وہ تڑپ کر بولی۔۔

زین ایک جھٹکے سے اٹھا اور اسے پیچھے گردن کے بالوں سے پکڑ کر اپنے پاس کیا۔۔

تمہارا قصور یہ ہے کہ تم اس عورت کی پسند ہو جو بدقسمتی سے میری ماں ہے۔گھن آرہی ہے مجھے تمہارے وجود سے۔اپنی شکل گم کرو،ورنہ میں جان سے مار دونگا۔۔

پری زیب تو سن ہی پڑ گٸی۔۔

پھرزین نے ایک جھٹکے سے اسکا ہاتھ پکڑا اور کمرے سے باہر نکال کر اسے گھسیٹتا ہوا لاٶنج میں لایا اور ناٸلہ آفندی کے قدموں میں زور سے پھینکا۔۔۔

ناٸلہ آفندی گھبرا کر اسے دیکھنے لگی۔

کیا بدتمیزی ہے یہ زین؟ وہ دھاڑ کر بولی۔۔

چلاٸیے مت۔۔اور یہ آپکی پسند ہے نہ تو اب میں اسے اپنی زندگی سے نکال دونگا جیسے آپ نے فاریہ کو میری زندگی سے نکالا تھا۔۔وہ بھی دھاڑا۔۔

پری زیب اور ناٸلہ آفندی اسے پھٹی پھٹی نگاہوں سے دیکھنے لگیں۔۔۔۔